Сомнежи за незаконско работење на Боречката и Скијачката федерација, вицепремиерот Николовски достави документација до ЈО за гонење на организиран криминал и корупција
Vestiplus.mk
+Во тренд...ТОП ВЕСТИ

Сомнежи за незаконско работење на Боречката и Скијачката федерација, вицепремиерот Николовски достави документација до ЈО за гонење на организиран криминал и корупција

Борбата против корупцијата е на сите нивоа, и во спортот, федерациите мора да работат законски.

Како се менаџирало со Боречката и Скијачката федерација?

Сомнежи за корупција и криминал, фалсификување на документи, непотизам, незаконски избор на претседатели во дел од федерациите, Николовски испрати документација во ЈО за гонење на организиран криминал и корупција, Мојсовски најави дисциплински

– Борбата против корупцијата е на секое ниво, потврда за тоа се двата случаи за нерегуларности во работењето на Боречката и Скијачката федерација. Оваа Влада е цврсто одлучна да ставиме крај на ова зло во секоја област па и во спортот! Нема место за корупција во спортот и федерациите мора да го почитуваат законот!

Денешната координирана активност со директорот на Агенцијата за млади и спорт, Наумче Мојсовски, јасно ги покажува нашите заложби за борбата против корупцијата и e индикатор за успешна меѓуинституционална соработка.

По доставените претставки до мојот кабинет за работата на Боречката и Скијачката федерација, со директорот Мојсоски и вработените во Агенцијата за млади и спорт, одржавме неколку состаноци, активирајќи ги сите механизми и алатки на располагање за темелно испитување на состојбите и злоупотребите наведени во претставките и нивно понатамошно процесуирање.

Целокупната документација доставена од подносителите против Боречката федерација, од страна на мојот кабинет е доставена до Јавното обвинителство за гонење на организиран криминал и корупција.

Овие заеднички и координирани активности се доказ дека нема недопирливи, истовремено и јасна порака дека секаде, во секоја институција каде што ќе се утврди незаконско постапување, злоупотреби и корупција, неселективно ќе се постапува, соопшти Љупчо Николовски.

Можеби ќе ве интересира...

Зечевиќ во Чаир: Интеграција, вградување во европскиот идентитет со нашата посебност и различност

Vesti +

158 санкционирани возачи во Скопје, 30 за брзо возење

Vesti +

140 сообраќајни прекршоци во Скопје

Vesti +

Ако скенирате фискални сметки, повратот се зголемува

Vesti +

Mинистерот за внатрешни работи со QR код за комуникација со граѓаните

В+

МТСП: Во тек е исплатата на правата од социјална, детска и цивилна заштита

Vesti +