Vestiplus.mk
+ Во тренд... МАКЕДОНИЈА

Заев: Рамковниот договор донесе нов дух на водење политики, кои градат мостови

„Оваа значајна годишнина оваа година се совпаѓа и со 30 годишнината од независноста на нашата земја, со 80 годишнината од народното востание и 20 годишнината од потпишувањето на Договорот за стабилизација и асоцијација како наш прв чекор во остварувањето на нашата заедничка цел за членство во  Европската Унија“, истакна премиерот Зоран Заев на отворањето на свечената седница посветена на одбележувањето на 20-годишнината од потпишувањето на Охридскиот рамковен договор.

– Еден од првите приоритети на листата што новоформираната Влада во 2017 година беше заокружувањето на нормативниот дел којшто произлегуваше од Охридскиот рамковен договор  и од Амандманот 5 од Уставот на Република Северна Македонија“, кажа Заев.

Според него, со Законот за употреба на јазиците, како и со сите останати законски измени и подзаконски акти за правична застапеност, се заокружија одредбите од Охридскиот рамковен договор, кој беше потпишан на 13 август во 2001 година и со кој се стави крај на конфликтот и кој беше прифатен како гаранција дека сите прашања од интерес на заедниците во нашата земја ќе се решаваат низ дијалог и низ институциите.

-Тогашната Влада, во која министри се и поголем дел од овој, актуелен состав на извршната власт, ја исполни обврската која непотребно се одолговлекуваше од сите претходни влади, и го донесе Законот за употребата на јазиците, додаде Заев.

Во обраќањето премиерот Заев нагласи дека Охридскиот рамковен договор стави крај на конфликт кој со себе понесе и жртви, и кој спречи нашата заедничка татковина да стане место на продолжен конфликт и на општество без надеж за мирен живот, како и дека во моменти кога соживотот и меѓуетничката толеранција биле ставени на најголемиот тест, сме покажале дека проблемите ќе ги решаваме низ институционалниот систем.

Тој заклучи дека Охридскиот рамковен договор донесе нов дух на водење политики, односно политики кои градат мостови, а не ги рушат, политики коишто ги сплотуваат граѓаните.

-Прифативме дека Македонците, како мнозински народ во нашата земја, имаат одговорност да креираат политики и атмосфера за негување, заштита и унапредување, афирмација и поддршка на употребата на сите останати јазици на припадниците на граѓаните кои живеат во нашата земја, нагласи Заев.

Можеби ќе ве интересира...

Миликије Халими: Во 4 години, сработив повеќе од сите мажи заедно во претходните 20 години, затоа гласаме за Најдоброто!

В+

Шахпаска: Заштитата на децата од насилство е процес кој е комплексен и обединува повеќе ресорни министерства

Vesti +

СДСМ: Досега утврдени кандидатите за 51 општина, со најдобрата понуда, СДСМ е убедлив фаворит на локалните избори

Vesti +

Мицкоски повторно ги промаши изборите, на локални избори ветува парламентарни мнозинства

Vesti +

236 сообраќајни прекршоци во Скопје, 83 за брзо возење

Vesti +

Премиерите Ковачевски и Петков одржаа пленарен состанок во присуство на делегациите од двете земји

Vesti +