Претседателот на Соединетите Американски Држави, Џо Бајден, вечерва објави забрана за увоз на руска нафта и гас.
Рускиот претседател Владимир Путин реагираше многу брзо. Тој нареди да се состави нов попис, по примерот на оној на кој државите воведоа санкции кон Русија.
Путин нареди годинава да се ограничи или забрани извозот или увозот на одредени производи и суровини од земјата, според прописите што ќе ги одреди владата.
Путин на тој начин побара од владата да направи список на производи или суровини чиј увоз и извоз ќе биде забранет, а на вториот список треба да се најдат производи и суровини чиј увоз и извоз ќе биде ограничен.
Воедно, утврдено е дека мерките не се однесуваат на стоки што граѓаните ги превезуваат за лични потреби. Владата доби налог во рок од два дена да ги утврди списоците на странски држави кои ќе бидат засегнати со овие одлуки.
