Деновиве се очекува Комисијата за заразни болести на состанок да го дополни и комплетира сетот на мерки кој ќе биде предложен до Владата, пишува Centar.mk.
Според неофицијални информации, за почеток, не се размислува за полициски час во овие мигови, но доколку продолжи разгорувањето на коронавирусот ниту тоа не е исклучено.
Една од мерките ќе биде кафетериите и рестораните да затвараат час или два порано, односно од 23 часот ништо да не работи.
Покрај ова се очекува да биде предложено во јавниот превоз да се користат само 50% од капацитетите.
Овие мерки практично ги најави министерот за здравство Венко Филипче, додека Караџовски од комисијата за заразни болести соопшти дека може да се очекува и по 1000 новозаразени дневно, пренесува Centar.mk.
