Сопшштение на СДСМ:
Кога Христијан Мицкоски нема одговори и нема резултати, стандардно се враќа на она што најдобро го знае – закани, напади и дефокус од реалните проблеми.
Од собраниската говорница, Мицкоски повторно го спомена Харис Џиновиќ и Дубаи, и му се закани на претседателот на СДСМ Венко Филипче дека „кога граѓаните ќе ве видат зад решетки“.
Ова е веќе познат и исцрпен наратив.
Сите случаи и постапки против социјалдемократите кои доаѓаат како пријави и процеси се без докази и се водат по нарачка на Мицкоски и неговите најблиски соработници.
Тоа денес го знаат сите.
Мицкоски, очигледно, се обидува да ја копира тактиката на својот постар „брат“ Александар Вучиќ и сестринската партија СНС. Го користи и истиот слоган – „народот победува“.
Прашањето е: кога народот победува?
Народот сигурно ќе победи против вашата организирана криминална група и против вас како шеф на бандата.
Власта ќе биде вратена во рацете на народот, која моментално е окупирана од криминална структура.
Додека Мицкоски се заканува од собраниската говорница, граѓаните се соочуваат со празни паричници, блокирана европска интеграција, економски колапс и институции кои се ставаат во функција на политичка одмазда.
Мицкоски знае дека времето му истекува. Тоа го чувствува – оттука и толкавата нервоза.
Време е за вистина и правда.
Време е за независно тужилаштво и судство. И тогаш, сите ќе одговараат – не според нарачка, туку според докази и закон.
Правдата можеби е бавна, но е достижна. Тоа ќе го докажат народот и Граѓанскиот фронт за вистина и правда.
Сонцето изгрева.
ПОПУЛАРНО НА ИНТЕРНЕТ...