Vestiplus.mk
+ LIFE

Работи кои ги правите погрешно во продавниците во време на епидемијата

За време на епидемијата на коронавирус сите редовно посетуваме бројни трговски објекти. Без разлика дали купувате основни намирници или нешто друго, се изложувате на здравствени ризици ако не преземете мерки на претпазливост.

Еве неколку клучни грешки што многумина ги прават во продавниците, а кои треба да ги избегнувате.

1. Користење на јавен тоалет

Доколку сакате да бидете безбедни во продавницата, користете го сопственииот тоалет пред да излезете од дома, бидејќи јавните тоалети имаат повеќе површини кои можат да бидат контаминирани, што значи дека тие можат да бидат носители на вирусот.

„Допирањето на кваката и другите површини по миењето на рацете ве изложува на значителен ризик од инфекција со коронавирус“, истакна Лин Постон, специјалист за медицинска содржина во Инвигор Медикал.

2. Пробување облека

Постон наведува дека е невозможно да се знае кој го пробал парчето облека пред вас, а „испробувањето на облека, обувки или други предмети кои претходно биле облечени или допрени“ ве доведува до непотребен ризик.

3. Користете кошничка или количка при купувањето ако претходно не сте ги избришале

Ако веќе користите корпи или колички во продавницата, најбезбедно е претходно да ги избришете оние делови што ќе ги допрете со рацете. Ако некогаш не сте во можност да го сторите тоа, би било добро да носите ракавици.

„Ковид-19 и други вируси можат да живеат на површините од три до девет дена, а потенцијално можат да живеат во воздухот до три часа“, рече д-р Енчант Џенкинс, додавајќи дека користењето корпи или колички во продавниците ве доведува во ризик доколку не ги избришете.

4. Отворање на фрижидер

Постон истакнува дека површините кои често се допираат лесно може да се контаминираат, а една од нив е рачките на фрижидерите, за кои е малку веројатно дека купувачите ќе ги избришат самоиницијативно, пишува BestLife.

5. Купување на претходно отворена роба

Без оглед на фактот дека може да добиете одреден попуст на робата која претходно била отворена, не ризикувајте го вашето здравје.

„Во продавниците можат да бидат вратени производите кои биле во домовите на други луѓе последните неколку дена или недели, поради што тие можат да бидат контаминирани доколку имало заразени лица во домовите“, истакна Постон.

6. Не се придржувате до физичката оддалеченост

Продавниците можат да бидат преполни, што го отежнува физичкото дистанцирање. Некои продавници имаат ограничен број купувачи кои можат да бидат внатре истовремено со цел да се намали ризикот, но и купувачите мораат да го сторат своето. Затоа, кога сте во продавница, носете маска и оддалечете се од другите за да се заштитите.

Можеби ќе ве интересира...

Уште 13 основни училишта добија согласност за настава со физичко присуство

В+

Бочварски: Досега како знак на благодарност се поделени 41 илјади картички на српските туристи

Vesti +

Министерката Шахпаска: Инвестираме во целосно нова градинка која ќе згрижи 57 деца во Општина Сопиште, секое дете е важно

Vesti +

Тага до небо: Од корона почина познатиот српски актер Марко Живиќ

В+

МЗ: Во тек е трансплантација на срце и бубрези на клиниките за Кардиохирургија и Урологија

Vesti +

МТСП: Во тек е исплатата на правата од социјална и детска заштита

В+