„Ние сме непријатели и противници на корупцијата и влезени сме во сериозен клинч со овие општествени болести. За разлика од претходната, оваа Влада сериозни ги зема предвид и постапува по меѓународните извештаи“ изјави премиерот Зоран Заев за Канал 5 ТВ.
Тој кажа дека Владата ги чита и анализира сите наоди од сите извештаи и се третираат како сериозни четива кои помагаат за менување на ситуацијата за сите, не само за администрацијата.
„Нашата антикорупциска стратегија е за сите ешалони – тоа е прочистувањето на правосудството, етичкиот кодекс за функционерите кој важи прво за мене, а после за сите други, постојаното зголемување на транспарентноста на институциите, новата стратегија за конфискација на имот, дигитализацијата на институциите со која се отстранува човечкиот фактор при носењето одлуки и унапредувањето на системот за јавни набавки. Ова се мерки кои спречуваат корупција и кај министрите, и кај службениците и кај граѓаните“ потенцираше Заев.
Тој им порача на сите носители на јавни функции, без разлика во кој ешалон се, дека не се исплати учеството во коруптивни активности и дека сериозни ќе биде казнето, бидејќи сега се е јавно и сите знаат се поради транспареноста.
