На денешната владина седница беше одобрен предлогот на Кризниот штаб од утре полицискиот час да се скрати и да трае само 4 часа. Иако беше најавено полицискиот час да трае до 5 часот наутро, сепак на седницата било одлучено тој да трае од 00:00 до 04:00 часот наутро.
Новите мерки важат од 12 до 18 мај, а се донесени на предлог на Комисијата за заразни болести врз основа на епидемиолошката состојба, намалувањето на бројот на хоспитализирани и бројот на заразени лица.
Се дозволува користење на годишен одмор за здравствените работници.
Ивентите и настаните ќе се одржуваат согласно наменските протоколи, со исполнетост до 30 проценти од капацитетот на затворениот простор, а се зголемува и бројот на деца кои може да се згрижат во една група во градинките односно од 15 на 20 деца.
