Надворешната канцеларија за криминалистички работи Берово поднесе кривична пријава против лице (57) и лице (55), двајцата од селото Умлена, Пехчевско, поради постоење основи на сомнение дека сториле кривично дело „кражба“.
Според информациите од полицијата, во периодот од април до јули 2026 година, пријавените од приватна парцела во атарот на селото Умлена одзеле претходно исечена дабова дрвна маса. Дрвата ги превезувале со сопствени возила, по што, според пријавата, ги продавале на трети лица.
Но, според полициските наводи, тие не застанале само на веќе исечените дрва. Од истата парцела бесправно исекле уште 63 дабови стебла, кои потоа ги однеле и ги продале на други лица како огревно дрво. За случајот е поднесена кривична пријава, а двајцата се осомничени за кражба.