Сè повеќе има примери на исклучени руски граѓани од високи позиции во светот на спортот.
Ваква вест стигна и оваа недела наутро, бидејќи Меѓународната џудо федерација (ИЏФ) го суспендираше првиот човек на Русија Владимир Путин од функцијата почесен претседател на споменатата организација.
Причината можеби нема потреба да се нагласува, бидејќи ситуацијата во Украина е алармантна, а претходните денови беа откажани два меѓународни турнири во џудо планирани на територијата на руската држава, а денеска беше суспендиран и рускиот претседател.
„Во светло на тековната војна во Украина, Меѓународната џудо федерација објавува суспензија на статусот на господинот Владимир Путин како почесен претседател и амбасадор на Меѓународната џудо федерација“, се вели во соопштението на Меѓународната џудо федерација.
Путин беше почесен претседател на Меѓународната џудо федерација како најпознат љубител на овој спорт во светот. Носител е и на црниот појас на осмиот ден, еден од највисоките степени во таа дисциплина.
