Апликацијата „Мој ДДВ“, преку која граѓаните ги скенираат фискалните сметки за поврат на дел од платениот ДДВ, повторно се соочува со технички проблеми. Според реакции на корисници, системот не функционира веќе неколку дена, а при обид за скенирање на сметка се појавува порака дека нема конекција со Управата за јавни приходи.

Проблемот предизвика реакции кај граѓаните, особено затоа што апликацијата се користи масовно и е директно поврзана со остварување на правото на поврат на ДДВ. Дел од корисниците на социјалните мрежи тврдат дека прекини во работата на апликацијата се случуваат сè почесто, особено за време на викендите, кога граѓаните најчесто ги скенираат сметките по пазарување.

Од Управата за јавни приходи, според досегашните информации, објаснувањето е дека станува збор за технички проблем. Засега нема подетално образложение што точно го предизвикува прекинот, ниту кога апликацијата целосно ќе биде стабилизирана.

Апликацијата „Мој ДДВ“ со години е една од најкористените дигитални услуги поврзани со даночниот систем, па затоа граѓаните очекуваат поголема стабилност, навремени информации и побрзо решавање на техничките проблеми.

ПОПУЛАРНО НА ИНТЕРНЕТ...

1. Државата дели и до 10.000 евра за почнување на нов бизнис! – Познато е кој може да аплицира
2. 10.000 луѓе остануваат без работа, а државата губи 350 милиони евра со новиот закон, вели АСОМ
3. Ќе доцни социјалната помош, најавија надлежните
4. СУДБИНАТА ИМ ГО ПОЛНИ ЌЕСЕТО: Четири знаци ќе имаат причина за радост во јуни
5. Македонците масовно почнаа да пазарат храна во соседните држави – Популарните ланци маркети во Лерин и Врање преполни со македонски граѓани