Пожар избувнал во куќа на подрачјето на Бит Пазар во Скопје, по што интервенирале екипи на Бригадата за противпожарна заштита на Град Скопје. Според полициските информации, во пожарот нема повредени лица.
Настанот бил пријавен на 9 ноември 2026 година, околу 17:25 часот, во СВР Скопје. По добиената пријава, пожарникарите интервенирале и успеале да го изгаснат огнот.
На местото на настанот излегле и полициски службеници од СВР Скопје. Засега во полицискиот билтен не се соопштени причините за избувнувањето на пожарот, ниту дали е причинета материјална штета.