Владата работи на подготовка на прв национален државен податочен центар, кој треба да обезбеди инфраструктура за дигитални услуги и развој на домашни технолошки капацитети. Вицепремиерот Александар Николоски информираше дека веќе се преземаат активности за урбанизација на просторот и усогласување на правната рамка.

Министерот за дигитална трансформација Стефан Андоновски, пак, укажа дека недостигот од големи домашни податочни центри претставува ограничување за развојот на вештачката интелигенција во Македонија.

Според најавите, ваквата инфраструктура би можела да им помогне на институциите и компаниите да обработуваат податоци и да развиваат дигитални решенија. Засега не се објавени конечна вредност на инвестицијата, рок за изградба или точна локација на центарот.