На социјалните мрежи секојдневно се создаваат трикови за домаќинството кои можат да ни го олеснат животот. Иако некои од нив се само мамка за кликови и лајкови, некои навистина функционираат и можат да ни помогнат да заштедиме време и да избегнеме повреди.
Еден од нив е за спречување на прскање при пржење, а следбениците кои го пробале овој трик велат дека ги спасил. Веројатно ви се случило месото да сте заборавиле да го исушите пред да го испржите на масло, па почнало да прска насекаде, создавајќи непријатни изгореници на прстите, лицето, градите…
Инфлуенсерката Мирјана Љиљак стави крај на овој проблем објавувајќи трик кој и го покажала една баба. Финтата е во тоа што при попрскување на маслото треба да вметнеме парче кора од леб во тавата. Маслото веднаш ќе се смири, а вие ќе можете без проблем да продолжите со пржењето.
Мирјана го демонстрираше овој трик користејќи го примерот на пржење јајца, но одлично функционира и при пржење во тава. Тоа го потврди и асистентот кој работи со фритези на работа и вели дека токму така спречува прскање. И други следбеници го пофалија овој стар трик на нашите баби, па не чини ништо да се проба.
