Светот е загрижен: Вечерва во Запорожје се случи истото како синоќа во Чернобил

Системите на Меѓународната агенција за атомска енергија (МААЕ), која го надгледуваше нуклеарниот материјал во нуклеарната централа Запорожје во Украина, престанаа да пренесуваат податоци, соопшти денеска агенцијата.

Вчера истиот прекин на податоците беше пријавен и во централата во Чернобил.

Тоа се случи во услови на итно барање од Украина до МААЕ, нуклеарен надзор на ОН, за ротација на 210 технички персонал и чувари кои работат во електраната.

Шефот на МААЕ, Рафаел Гроси, „рече дека е загрижен поради ненадејниот прекин на протокот на такви податоци до седиштето на МААЕ во Виена“.

„Тоа се две локации каде што се присутни големи количини нуклеарен материјал во форма на потрошено или свежо нуклеарно гориво и други видови нуклеарни материјали“, се вели во соопштението на МААЕ.