Ракот на желудникот е петти најчест рак во светот и е предизвикан од промените во начинот на работа на стомачните клетки, според Националниот институт за рак.
Најчестиот тип е аденокарцином, кој се формира во највнатрешната обвивка на желудникот, според Американското здружение за рак.
Фактори на ризик за рак на желудникот вклучуваат пушење, дебелина, гастроезофагеална рефлуксна болест (ГЕРБ), исхрана богата со солена и пушена храна, возраст и семејна историја. Мажите имаат речиси двојно поголема веројатност да бидат дијагностицирани со оваа болест отколку жените, а просечната возраст на дијагноза е околу 68 години.
„Во светот, водечка причина за рак на желудникот е инфекцијата со бактеријата Helicobacter pylori. Бактеријата е почеста во делови од светот каде што стапката на рак на желудник е повисока“, изјави гастроентерологот Вилијам Чеј за Today.
Симптоми на рак на желудникот
Ракот на желудникот може да биде тешко да се открие рано бидејќи симптомите обично не се појавуваат додека ракот не се прошири, според Националниот институт за рак.
„Многу пати пациентите немаат значителни симптоми додека туморот не е напреднат. Може да почувствувате тешко варење, болки во стомакот или гадење, но тоа се симптоми што сите ги имаме и лесно може да се игнорираат“, забележува д-р Чеј.
Симптомите на рак на желудникот вклучуваат варење и непријатност во стомакот, чувство на надуеност после јадење, благо гадење, киселини, губење на апетит, крв во столицата, повраќање, необјаснето губење на тежината, жолтица, задржување на течности во стомакот и отежнато голтање.
Многу лекари се трудат да ја подигнат свеста за раните знаци на рак на желудникот, кои често се занемаруваат, како што се рефлукс на киселина, анемија, болка после јадење, необјаснето губење на тежината или чувство на ситост иако јадете само мала количина.
