Советникот на украинскиот претседател Михаил Подољак изјави дека руските сили брзо се повлекуваат од северните украински региони Киев и Чернихив и дека нивната цел е да се консолидираат на истокот и југот на земјата.
– По брзото повлекување на Русите од регионите Киев и Чернихив и земајќи ги предвид сите движења на окупаторските сили, сосема е јасно дека Русија избра поинаква приоритетна тактика – напиша Подољак на Телеграм, додавајќи:
– Целта на Москва е да се зајакне на исток и југ и остро да ги диктира нејзините услови. Ако сакаме да го деблокираме источниот дел и Херсон и колку што е можно да ги одвратиме Русите, тоа не можеме да го направиме без тешко вооружување – рече Подољак.
