Некои тврдат дека повеќе им одговара кога партнерот е постар, некои се согласуваат со теоријата „помладиот е посладок“, а за некоја возраст воопшто не е важна.
Новото истражување открива дека разликата во годините, сепак, може донекаде да ја одреди должината на врската меѓу две лица. Концептот на излегување со многу постар или помлад партнер е сè уште контроверзен до ден-денес, а има многу примери меѓу славните парови кои го поддржуваат ова тврдење.
Иако секогаш има исклучоци, истражувањето на Универзитетот Емори во Атланта покажало дека одредени разлики во годините можат да бидат проблем во врската, односно колку е поголема разликата во годините меѓу партнерите, толку се поголеми шансите тие да раскинат.
Студијата, која опфати 3.000 испитаници, покажа дека паровите со разлика во возраста од само пет години сè уште имаат 18 отсто поголеми шанси да раскинат од паровите кои се на иста или приближно иста возраст. Интересно е тоа што таа бројка скокна на 39 отсто за парови со 10-годишна разлика во возраста.
За оние кои се разделени на 20 години, истражувањето предвидува дека 95 отсто веројатно ќе ја прекинат врската во одреден момент.
А која е идеалната разлика во годините?
Научниците веруваат дека паровите со разлика во возраста од само една година имаат најмалку шанси да раскинат, односно само 3 проценти!
– Секако, доколку сретнете некој кој не се вклопува во оваа норма и ве прави среќни, не треба да го одбиете само поради разликата во годините – заклучил Дејвид Бенет, еден од истражувачите.
