Седумнаесетгодишна малолетничка од Косово се здобила со тешки телесни повреди откако во неа удрил електричен тротинет на булеварот „Илинденска“ во Тетово. Лицето што управувало со тротинетот го напуштило местото на несреќата.
Како што информираат од полицијата, случајот бил пријавен на 9 ноември 2026 година, во 11:45 часот, во СВР Тетово. Повредената малолетничка била прегледана во Ургентниот центар во Тетово, каде што биле констатирани тешки телесни повреди.
Увид на местото извршила екипа на СВР Тетово. Полицијата презема мерки за пронаоѓање на лицето што го напуштило местото на несреќата, како и за целосно расчистување на случајот.