Тешка сообраќајка од попладнево го блокираше сообраќајот на излезот од Скопје, многумина граѓани заглавени

АМСМ СЛУЖБА ЗА ПОМОШ И ИНФОРМАЦИИ известува:

ПРЕНАСОЧУВАЊЕ НА СООБРАЌАЈ: Во 14.40ч. на бул. Александар Македонски 500 метри после слаткарница „Шарлота“ правец кон Велес, поради сообраќајна незгода сообраќајот се пренасочува од кл.за нас.Ченто преку Арачиново за Велес.

ВРЕМЕН РЕЖИМ НА СООБРАЌАЈ:

Времена измена на режим на сообраќај има на регионалниот пат Р1101 делница Прилеп – Битола заради изведување на градежни активности во врска со проектот за санација на патот кај мост на река Шемница. Од 27.03.2024 ќе има целосно затворање на делницата.

Од 26.03.2024 г. извршена е времена измена на режимот на сообраќајот на делницата од автопатот 300м после надвозник „Маџари“ до клучка „Белви“ за време на поправка и рехабилитација на државен пат А1/А2 делница Скопје – Куманово (десна коловозна лента) каде што со ветикална сообраќајна сигнализација во должина од 200м сообраќајот се канализира и успорува од левата (за претекнување) сообраќајна лента во средната (за возење) сообраќајна лента за да потоа во должина од 1500м целиот сообраќај ќе се одвива по сообраќајната лента за претекнување (левата), а средната и сообраќајната лента за принудно запирање ќе бидат затворени за сообраќај.

СОСТОЈБА НА ПАТИШТА: Сообраќајот на државните патишта се одвива непречено, пo суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15.11.2023 година, патниот правец Охрид – Ресен, преку националниот парк Галичица, ќе биде затворен за сообраќај за сите видови на возила. На самото место поставена е соодветна сообраќајна сигнализација. Овој времен режим ќе трае се до 01.04.2024 година.