Како што јави полицијата во 13.19 часот, во СВР Битола било пријавено дека на патот A3 Битола-Прилеп, кај надвозникот за селото Тополчани, товарно моторно возило „терберг” со прилепски регистарски ознаки, управувано од П.С.(38) од Прилеп, излетало од коловозот, информира МВР.
Полицијата додава дека по несреќата, возачот со возило на Итна медицинска помош Битола бил пренесен во Клиничката болница Битола, каде му биле констатирани тешки телесни повреди. Увидот го извршила увидната екипа на СВР Битола.
