Vestiplus.mk
МАКЕДОНИЈА

Работен појадок на министерката Шахпаска со австрискиот министер за труд Кохер: Младинската гаранција дава резултати, креираме конкретни политики за задржување на младите дома

Во пресрет на Вториот министерски состанок за вработување и социјални прашања меѓу министрите на земјите членки на ЕУ и Западен Балкан, министерката за труд и социјална политика Јагода Шахпаска утринава присуствуваше на работен појадок, што го организираше австрискиот министер за труд Мартин Кохер за министрите за прашањата од областа на трудот од Западен Балкан.

На состанокот присуствуваа и министерката за цивилни прашања на Босна и Херцеговина Анкица Гуделјевиќ, како и министерот за финансии, труд и трансфери на Косово Хекуран Мурати .

Министерката Шахпаска, на состанокот истакна дека Република Северна Македонија и Република Австрија досега имаат одлична соработка во доменот на вработувањето, социјалната заштита и социјална инклузија.

Таа се осврна на политиките за подобрено вклучување на младите лица на пазарот на труд, а особено на имплементацијата на Младинската гаранција која ја имплементираме како прва и единствена земја од овој регион на Западен Балкан.

„Имплементацијата на оваа Програма за нашата држава даде исклучително позитивни искуства и резултати. Но, сепак се уште има предизвици со кои се соочуваме и кои мораме да ги надминеме. На тоа интензивно работиме. Во тие напори од особено значење би ни била и понатамошната соработка со Австрија и споделувањето на нивните искуства и научени лекции, добри практики во имплементацијата на Младинската гаранција и политиките за млади, како земја членка на ЕУ“, нагласи министерката Шахпаска.

Таа ги истакна и напорите кои во овој изминат период Владата на Северна Македонија ги прави за справување со последиците од Пандемијата со Ковид-19 и усвоените пакети на анти-кризни мерки, детално креирани и усогласувани во соработка со социјалните партнери.

Австрискиот министер Кохер информираше за приоритетите на Австрија во делот на пазарот на труд, преминот кон дигитализација и кон зелени работни места, вработувањето и образованието на младите, особено во делот на заздравувањето од Ковид кризата.

Тој го сподели искуството на неговата земја во делот на имплементацијата на образовната гаранција, но и системот за практиканство на младите и во тој контекст, на силната поврзаност со приватниот сектор и компаниите.

Министерката Шахпаска оцени дека за државите од Западен Балкан, вклучително и за нашата предизвик е одливот на едуцирани млади луѓе.

„Ние како држава креираме конкретни политики кои треба да овозможат задржување на младите дома и градење на нивната иднина во Северна Македонија. Во таа насока е и имплементацијата на активните политики за вработување, зголемувањето на буџетските средства кои ги издвојува државата за Оперативниот план за активни програми и мерки за вработување. Работиме и на рамномерен регионален развој, како и на поттикнување на диверзитетот и на инклузивноста кои ги вградивме како основни принципи во овогодинешниот Оперативен план“, информираше Шахпаска, која се осврна и на тековните реформи во образовниот систем со цел негово што поголемо прилагодување кон пазарот на труд и потребите на младите.

Соговорниците ја нагласија потребата од продлабочување на заедничката соработка во иднина.

Во попладневните часови министерката Шахпаска ќе има свое обраќање на Вториот министерски состанок за вработување и социјални прашања меѓу министрите на земјите членки на ЕУ и Западен Балкан.

Повеќе од интернетот…

  • Biznispro.com
  • Centar.mk
  • Zena.mk
Ценовен шок во Србија: Струјата поскапува за 8 отсто, гасот за 11%

Агенцијата за енергетика го одобри поскапувањето на струјата и гасот од 1 јануари 2023 година во соседна Србија, соопшти РТС. Од почетокот на 2023 година цената на киловат-час струја кај домаќинствата ќе биде повисока за 8 отсто, а гасот за 11 отсто. Според пресметките на Агенцијата за енергетика, сметката за домаќинствата кои трошат во просек […] The post Ценовен шок во Србија: Струјата поскапува за 8 отсто, гасот за 11% appeared first on BiznisPRO. Прочитај повеќе...

Ковачевски: Економијата е на добар пат, следната година ќе биде подобра

Мојата цел, целта на Владата што ја предводам е конечно да ја победиме кризата, да почнеме да растеме, да го зголемиме животниот стандард и следната година да биде подобра од оваа, порача претседателот Димитар Ковачевски вечерва во Велес пред граѓаните на трибината „Силно и одлучно кон иднината“. -Имаме добра основа... Прочитај повеќе...

Еве што се случува во телото на жената за време на ПМС: Хормоните се главни виновници за се

Најголема улога во женското репродуктивно здравје имаат хормоните кои регулираат голем број процеси во организмот. Така, под влијание на хормоните може да се забележат одредени појави во телото на жената во текот на менструалниот циклус, како физички така и емоционално. Покрај тоа што главните симптоми на менструацијата се болни грчеви во стомакот, најверојатно жената ќе... Прочитај повеќе Чланак Еве што се случува во телото на жената за време на ПМС: Хормоните се главни виновници за се се појављује прво на Zena.mk. Прочитај повеќе...

Можеби ќе ве интересира...

Приведен крадец во Скопје баран со потерница за затворска казна

В+

Костадиновска-Стојчевска во работна посета на институциите: Годинава повеќе средства за културата во Охрид

Vesti +

206 санкционирани возачи во Скопје, 31 за брзо возење

Vesti +

160 санкции за брзо возење

Vesti +

Земјотрес ја стресе Македонија – ова се првичните детали

В+

МТСП: Во тек е етапната исплата на јунските пензии

Vesti +