– Груба манипулација е информацијата на одредени портали лиферувана од опозициската партија дека во текот на вчерашниот ден наместо на седница на Совет сум бил по кафеани, се вели во жестоката реакција на Градоначалникот на Ѓорче Петров, Александар Наумовски по лажните вести на неколку портали поврзани со опозицијата.
– Како член на Националниот совет за евроинтеграции, истовремено со седницата на Совет, во Собранието присуствував на седница на која беа презентирани програмата и приоритетите за работата на словенечкото претседателство со Советот на ЕУ.
За седницата во Законодавниот дом објавив и на социјалните мрежи.
Присутна на седницата на Совет беше дел од администрацијата која е подготвена соодветно да одговори на сите советнички прашања.
Крајно време е советниците да прекинат да се служат со невистини и погрешно да информираат. Наместо тоа, силите нека ги насочат кон реалните проблеми на граѓаните на Ѓорче Петров и нивно решавање, вели Наумвски.
