На 1 април американскиот весник „Волстрит журнал“ објави опширен напис за причините за украинската криза, што покажува дека Владимир Зеленски имал шанса да избегне воен конфликт.

Весникот се повикува на инсајдерски информации од маргините на Минхенската безбедносна конференција, на која украинскиот претседател пристигна на 19 февруари. Според весникот, Германија, претставувана од канцеларот Олаф Шолц, се обидела да го реши проблемот по мирен пат.

Шолц се обидел да го реши конфликтот меѓу Москва и Киев. Тој му рекол на Зеленски дека Украина треба да се откаже од своите аспирации за НАТО и да прогласи неутралност како дел од поширокиот договор за европска безбедност меѓу Западот и Русија.

Според предлогот на Берлин, потоа требаше да се потпише пакт со кој САД и Русија заеднички ќе ја гарантираат безбедноста на Украина, но Зеленски рече дека на Путин не може да му се верува и дека повеќето Украинци сакаат да влезат во НАТО.