Владата го укина полицискиот час, дозволени се прослави и настани
Vestiplus.mk
+МАКЕДОНИЈАТОП ВЕСТИ

Владата го укина полицискиот час, дозволени се прослави и настани

Полицискиот час од утре се укинува, угостителските објекти останува да работат само на отворено, а се дозволува и одржување на настани, свадби, прослави и веселби на отворен простор.

Владата на денешната седница ги прифати препораките на Комисијата за заразни болести и ги донесе следните одлуки:

– Почнувајќи од 16 јуни 2021 година (среда), престанува да важи забраната и посебниот режим на движење на лица и возила од јавен превоз на територијата на Република Северна Македонија.

– Исто така од утре, 16 јуни, се укинува ограничувањето на работното време на сите угостителски објекти и угостителскиот објект/дел за исхрана во угостителските објекти за сместување (хотел, мотел, хостел, пансион и друг објект за сместување), на бензинските станици, казината и обложувалниците и други објекти кои во склоп на истиот даваат угостителски услуги, а за време на работно време се дозволува работа само на отворените делови – тераси од угостителскиот објект, освен служење пијалаци во внатрешноста на казината и автомат клубовите.

– Владата донесе заклучок да се дозволи одржување на настани на отворено со 50% од капацитетот на просторот каде што ќе се одржува настанот и ограничен број на посетители до максимум 1000 посетители.

– Согласно препораката на Комисијата за заразни болести од утре е дозволено организирање на свадби, прослави, веселби на отворен простор/летни тераси со максимум 50% исполнетост на капацитетот на отворениот дел, наместо максималните 100 гости како што беше до сега.

– Владата донесе заклучок да престане да важи обврската угостителскиот објект во кој има прослава да ја регистрира и пријави прославата во угостителската комора која води регистар на свадби, прослави и останати веселби.

Соодветно на овие заклучоци и одлуки, Владата препорача да се измени и дополни Протоколот за организирање на свадби/прослави и веселби.

Можеби ќе ве интересира...

Маричиќ: Добро е партиите да се на иста страна и активно да учествуваат во процесот со Бугарија

Vesti +

Ова е најдобар начин да се преживее нуклеарен удар – Научниците ги објаснуваат деталите

Vesti +

Голема промена: Од ноември WhatsApp ќе престане да работи на 43 модели на мобилни телефони

Vesti +

29 ученици на практична настава во БРАКО, се обучуваат идни заварувачи и техничари

Vesti +

Прв модул на Школата за политики за 2022 година при Претседателскиот центар за политичко образование

В+

Трагедија: Познат идентитетот на починатиот млад скопјанец кој беше најден на планината Китка

Vesti +