Vestiplus.mk
БИЗНИС

Уште само неколку часа: Аплицирајте до полноќ за бесплатен клима уред – Град Скопје дели субвенции за инвертер клими

Градот Скопје ги информира граѓаните дека јавниот повик за доделување субвенции за инвертер клима-уреди за затоплување на домаќинствата се прекинува вечер, на полноќ (22.9.2020 година, во 24 часот).

Во текот на наредните денови Градот Скопје ќе ги обработува пристигнатите барања за субвенции и ако се утврди дека не се исцрпени сите средства предвидени за оваа намена, постои можност повикот да се продолжи, за што јавноста ќе биде навреме информирана.

Од отворањето на јавниот повик за субвенции за инвертери досега се поднесени 4.060 пријави.

Јавниот повик за доделување субвенции за инвертер клима-уреди за затоплување на домаќинствата ги опфаќа граѓаните кои купиле инвертер од 1.1.2020 година, до завршувањето на повикот на 30.11.2020 години или до денот на исцрпување на средствата. На овој повик граѓаните може да аплицираат онлајн.

Според условите во повикот, на граѓаните ќе им бидат целосно надоместени трошоците за набавка на инвертер клима уред, но не повеќе од 62.000 денари во нето износ.

Сите информации за повикот, како и формуларите за електронското пријавување може да се најдат на следниов линк: https://www.surveymonkey.com/r/gradskopje-inverter2020

Можеби ќе ве интересира...

Заев: Украинската криза покажа дека енергетската независност на нашата земја е единствена исправна перспектива

Vesti +

НБ доби уште речиси една година пристап до девизна ликвидност од 400 милиони евра преку репо-линијата на ЕЦБ

В+

Колку ќе чинат горивата од полноќ ако Собранието денеска го усвои намалувањето на ДДВ-то и акцизата

Vesti +

СДСМ: Се грижиме за земјоделците 30% повисоки откупни цени на грозјето оваа година

Vesti +

Пивара Скопје одбележа 100 години постоење, одржлив развој и партнерство со заедницата

Vesti +

Фитр за прв пат со предизвик за социјално претприемништво

В+