Vestiplus.mk
+ МАКЕДОНИЈА

Учениците од гимназијата Кочо Рацин во целосно реконструирано училиште од септември

Градоначалникот Петре Шилегов, заедно со министерката за образование, Мила Царовска, градоначалникот на Општина Ѓорче Петров, Александар Наумоски, претседателката на Советот на Град Скопје, Љубица Јанчева, и директорката на СУГС „Кочо Рацин“, Благица Павловска, одржаа прес- конференција во дворот на училиштето во кое се почнати градежните работи за негова реконструкција.

– Денеска сме на увид на веќе започната реконструкција на училиштето, станува збор за објект што е стар 57 години, досега на него не се вршени посериозни зафати освен оние што пред две и пол години ги правеше Градот Скопје, а се однесуваа на замена на дел од конструкцијата на покривот и замена на подовите и дел на санитарните јазли во училиштето. За оваа реконструкција ќе бидат потрошени околу 54 милиони денари коишто Градот ги издвојува од планираните средства наменети за капитални инвестиции во образованието. За неколку месеци овде ќе имаме целосно нов објект, бидејќи се врши целосна замена на надворешните ѕидови, ќе се направи и сосема нов покрив, ќе се заменат електричната и водоводната инсталација, а ќе се додаде и инсталација којашто на учениците ќе им помогне да влезат сериозно во процесот на дигитално образование, проект што го има утврдено Градот Скопје – рече Шилегов.

Тој додаде дека ова е последното 14-то училиште, од вкупно 23, коешто добива нова енергетски ефикасна фасада, и дека со реконструкциите во изминатите три и пол години се добиени просторни услови кои ќе овозможат подостоинствено функционирање и на ученици и на вработените во училиштата. Исто така, Шилегов додаде дека се надева наставата во училиштата од септември дека ќе се одвива со физичко присуство.

Министерката за образование, Мила Царовска, нагласи дека е значајно што и општините во својот фокус го имаат образованието и создавањето на квалитетни простори за учење, како и подготовката на наставниците за современа настава.

Можеби ќе ве интересира...

262 санкции за брзо возење

Vesti +

Илиевски: Во вториот круг сме убедливи победници во Куманово

В+

НЕМА ПОТРЕБА ДА ВЕ ГРИЗЕ СОВЕСТА: ОВИЕ ДИЕТЕЛНИ правила можете да ги прекршите за време на вашата диета

Vesti +

Средба на премиерот Заев со чешкиот амбасадор Томан: Честитки за наградата за мир и порака за поддршка од Чешката Република во европерспективите и развојот

Vesti +

Царовска: Со опремување на 260 кабинети по природни науки и нови наставни програми кај учениците ја развиваме љубовта кон природата и свесноста за важноста на животната средина

Vesti +

Сите тековни и релевантни анкети покажуваат нова победа на СДСМ на престојните локални избори

В+