Vestiplus.mk
БИЗНИС МАКЕДОНИЈА

Советот на Град Скопје ќе расправа за ребаланс на буџетот за 2021 година

На претстојната седница на Советот на Град Скопје ќе биде разгледуван Предлог за изменување на Буџетот на Град Скопје за 2021година со кој е предвидено негово зголемување за 7,4 проценти, поточно зголемување за 531.264.000 денари. Со овој ребаланс наместо предвидените 7.207.490.000, Град Скопје во текот на 2021 година планира да потроши вкупно 7.738.754.000 денари. Зголемувања се прават во основниот буџет на Град Скопје, во износ од 650 милиони денари, како и кај буџетот на донации, каде што се предлага зголемување на средствата во износ од 10,9 милиони денари. Намалувања имаме кај буџетот на дотации, каде што се врши намалување во износ од 29,6 милиони денари, како и во буџетот на кредити, каде што се предлага намалување за 100 милиони денари. Советот на Град Скопје на денешната седница ќе расправа и за Предлог- Одлуката за формирање на Координативно тело „Скопје 2028 – кандидат за Европска престолнина на културата“, со која се предлага формирање на специјално тело чија цел е координирање на активностите што произлегуваат од кандидатурата за оваа титула. Истото, би било составено од претседател, заменик-претседател и 19 членови, а истите претставници се вработени во Град Скопје, Владата на РСМ и министерството за култура, јавните културни институции на Град Скопје и РСМ, како и претставници на граѓанското општество. Дополнително, Советот ќе расправа и за одлуката за доделување на награда во износ од 100.000 илјади денари на Дрита Исљами, за постигнатиот успех, освоено прво место на Европското екипно првенство во атлетика трета лига во Лимасол -Кипар, на 400 метри со пречки поставувајќи нов државен рекорд. Покрај за овие точки, советниците ќе расправаат и за повеќе извештаи, програми за работа и одлуки од областа на работењето на јавните претпријатија и градските културни институции.

Можеби ќе ве интересира...

Зголемен интересот за вакцинација, вчера се аплицирани 18.877 вакцини

Vesti +

РК Куманово со изненадување за Илиевски – дрес со број 12

В+

Стефоска: 10 милиони евра повеќе за културата во 2022 година

Vesti +

Заев: Инвестиции од над 110 милиони евра во обновливи извори на енергија, Свети Николе ја брендираме како зелена, еколошка општина

В+

Николовски: Младите се моторот на нашата држава, СДСМ ги исполнува нивните потреби, градиме општини партнери со младите

В+

Заев и Руте заедно во Амстердам ќе ги бодрат своите репрезентации

В+