Со положување на цвеќе пред споменикот на поранешниот претседател на Македонија, Борис Трајковски во Општина Струмица се одбележаа 20 години од неговата смрт.

Владината делегација во Струмица ја предводеше Јованка Тренчевска, дополнителна заменик-министерка за труд и социјална политика. Дел од делегацијата беа и Кирил Парталов, државен секретар во Министерството за локална самоуправа и Спасе Додовски, координатор за имплементација на Конвенцијата на ООН за правата на лицата со попреченост.