Две лица се повредени во земјотресот со јачина од 4,9 степени што денеска ја погоди западната турска провинција Измир и предизвика паника меѓу населението, соопштија властите.
Градоначалникот на Измир соопшти дека нема извештаи за поголема материјална штета освен урнатото минаре на една џамија.
Турската агенција за управување со вонредни состојби (АФАД) соопшти дека земјотресот со јачина од 4,9 степени, со епицентар во областа Буча во Измир, се случил утринава во 3 часот и 29 минути по локално време (01:29 по македонско време) и бил проследен со неколку помали последователни потреси, како и дека бил почувствуван во околните области.
Најмалку две лица се повредени откако скокнале од височина додека во паника се обидувале да ги напуштат своите домови, објави на Твитер министерот за внатрешни работи Сулејман Шојлу.
Земјотресот се случи неколку дена откако Измир ја одбележа годишнината од земјотресот со јачина од 6,6 степени според Рихтеровата скала кој на 30 октомври 2020 година ги однесе животите на 117 лица.
