Шахпаска: Ги намалуваме критериумите за поголем број стечајци да добиваат месечен надоместок од 9.242 денари
Vestiplus.mk
+МАКЕДОНИЈА

Шахпаска: Ги намалуваме критериумите за поголем број стечајци да добиваат месечен надоместок од 9.242 денари

„Постојат стечајци на кои им недостасуваат по неколку месеци работен стаж и затоа границата за остварување на паричниот надоместок ја спуштивме од 15 на 14 години работен однос во претпријатија со доминантна сопственост на државата“, рече министерката за труд и социјална политика Јагода Шахпаска, образложувајќи го Предлог – законот за стечајци, на денешната собраниска Комисија за труд и социјална политика.

Со Предлог законот за материјално обезбедување на невработените лица поради приватизација на претпријатијата со доминантна сопственост на државата, месечен надоместок од 9.242 денари или 34% од просечната месечна нето плата исплатен по работник претходната година, ќе добиваат 1100 нови стечајни работници.

„Потребата од Законот за стечајци произлезе од средбите со граѓаните на кои помошта им е неопходна. Со најновата измена 13.000 лица ќе бидат вклучени во системот за парично обештетување со износ до 9.242 денари. Ова ја покажува нашата грижа за граѓаните. Овој материјален надоместок стечајните работници ќе го добиваат до нивното вработување или пензионирање преку Агенцијата за вработување. На денот на поднесување на барањето за паричната помош, жените треба да имаат, не помалку од 52 години, а мажите 55 години“, рече Шахпаска.

Министерката посочи дека Предлог законот е дел од решавање на прашањето на стечајците, кое се до формирањето на оваа Влада беше игнорирано, а стечајците со години манипулирани.

„Подготвени сме задно да правиме измена. Но, факт е дека од 2017 година до денес донесовме неколку законски решенија за материјален надомест на стечајците, кои постојано ги прилагодуваме на потребите на граѓаните се цел да се опфати што е можно поголем број на лица. Ова покажува дека имаме системски пристап со цел да дојдеме до решенија во интерес на граѓаните“, рече Шахпаска. ​
Предлог законот за стечајци кој помина во второ читање на Комисијата за труд и социјална политика, ја доби поддршката од сите нејзини членови .

Можеби ќе ве интересира...

Министерот Беким Сали учествува на 75-та Асамблеја на СЗО во Женева

Vesti +

202 санкции за брзо возење

Vesti +

Додека вмровските градоначалници бараат пари од владата: Гејмерски компјутери од по две илјади и лаптопи од по илјада евра – Општина Аеродром набави 35 есктремно скапи компјутери

Vesti +

Од прес-конференцијата на портпаролот на Владата Душко Арсовски и соработникот за енергетика Виктор Андонов: Промовирани информативно-едукативни активности за штедење на енергенси и презентиран последниот дневен биланс за претходното деноноќие

Vesti +

(ВО ЖИВО) Силна експлозија и миризба на гас ги преплаши граѓаните на Загреб, дел од луѓето се на улица – Еве што се случува

Vesti +

Ужас: Скопјанец силувал малолетничка

Vesti +