Соопштение на СДСМ:

СДСМ, како водечка партија во државата, постојано е со граѓаните, заедно креира храбри мерки и политики што водат кон напредок.

Започнува нова фаза на интензивни теренски активности, СДСМ оди од врата на врата, пред домовите на нашите сограѓани.

Тимови во секоја општинска организација, партиски функционери и членови ќе го посетат секој дом, да разговараме за сработеното, но и да ги слушнеме нивните потреби и сугестии.

Партнерски, со граѓаните ја создаваме најдобрата програмска понуда на СДСМ, која ќе го подобри квалитетот на животот во секоја општина, на претстојните локални избори.

Сите предлози, коментари и барања кои ги добиваме на маалските и урбаните средби, на граѓанските трибини, веќе се анализираат и систематизираат. Еднаков пристап ќе заземеме и кон предлозите кои ќе стигнат преку проектот од врата до врата.

Во завршна фаза е и комплетирањето на Комисиите на СДСМ кои и за овие избори ќе имаат сериозна и одговорна улога во градење на програмската понуда, како и на мерките и политиките во соодветните сфери.

За неполн месец, одржавме над 750 маалски и урбани средби, 12 големи граѓански трибини, силно сме присутни меѓу граѓаните во секоја општина.

Пред граѓаните настапуваме отчетно за сработеното и и имаме право да го правиме тоа затоа што покажавме дека за нас зборот е збор.

Реализиравме над 70% од програмите во општините, реализиравме над 7.000 проекти на централно и локално ниво.

Нашата посветеност и ангажираност го носи најдоброто, подобар живот во секое населено место, концепт кој носи развој и интеграција.