Силен земјотрес со јачина од 7,3 степени според Рихтеровата скала денеска ја погоди Јапонија.
Епицентарот бил источно од Хоншу, на длабочина од 60 километри, а по земјотресот било издадено предупредување за цунами.
Предупредувањето е издадено за регионите Фукушима и Мијаги. Да потсетиме, има нуклеарна централа во Фукушима, која беше погодена од страшен земјотрес во 2011 година.
Тој регион тогаш беше погоден од земјотрес со јачина од 9 степени според Рихтеровата скала, проследен со цунами.
Некои делови од земјата останаа без струја. Се проценува дека повеќе од милион корисници немаат струја.