Работен состанок на министерот за внатрешни работи Оливер Спасовски со претставници од Женевскиот центар за управување со безбедносниот сектор (ДКАФ)
Vestiplus.mk
МАКЕДОНИЈА

Работен состанок на министерот за внатрешни работи Оливер Спасовски со претставници од Женевскиот центар за управување со безбедносниот сектор (ДКАФ)

Денеска, (13.07.2021 година), министерот за внатрешни работи Оливер Спасовски, имаше работен состанок со претставници од Женевскиот центар за управување со безбедносниот сектор (ДКАФ). На средбата присуствуваа и претставници од организациски единици во рамки на Министерството за внатрешни работи, надлежни и активни во спроведување на проектите на ДКАФ.

Согласно предвидените теми за разговор, програмскиот менаџер во ДКАФ, Марк Ремилард на состанокот го презентираше извештајот за активностите спроведени во рамки на изминатиот тригодишен период, во однос на реформите во разузнавачкиот и безбедносниот сектор, меѓу кои усвојување закони, создавање нови институции, успешна имплементација на нови и одржливи механизми, кој како процес е поддржан од дански, швајцарски и шведски донатори.

Министерот Спасовски се заблагодари на досегашната соработка и истакна дека таа ќе продолжи и во иднина, пред сѐ во насока на зајакнување на капацитетите на министерството, изразувајќи интерес за поддршка при спроведување на активностите предложени од страна на ДКАФ кои ја опфаќаат областа на автоматизирана размена на податоци, градење полициски интегритет и унапредување на соработката помеѓу МВР и обвинителството и, секако, областа на реформи на безбедносниот и разузнавачкиот сектор.

Двете страни изразија задоволство што првите резултати од процесот покажуваат значаен успех, особено што станува збор за особено чувствителна област, која се карактеризира со бројни предизвици, посебно што сето ова се спроведува во отежнати услови за време на светска здравствена пандемија.

Можеби ќе ве интересира...

Одбележана 100-годишнината од убиството на Ѓорче Петров

Vesti +

Десетина физички пресметки низ Македонија – Полицијата со полни раце работа вчера и денес

Vesti +

Ковачевски: Во кризна година за целиот свет, ние имаме нови инвестиции со новоотворени работни места

Vesti +

Ковачевски: Проценка за забрана за влез прави МВР, наше е мирно и достоинствено да го чествуваме 4-ти февруари

Vesti +

Температурите паѓаат до -4 степени, кога да очекуваме потопло време? – Детална прогноза до крајот на работната недела

В+

153 санкционирани возачи во Скопје, 33 за возење под дејство на алкохол

Vesti +