Рускиот претседател Владимир Путин ги предупреди оние кои се противат на руските акции во Украина „да не ја влошуваат ситуацијата“ со воведување дополнителни ограничувања за неговата земја.
Рускиот претседател зборуваше на владина седница што ја пренесува државниот информативен канал „Россија 24“, пренесува Би-би-си.
Немаме зли намери кон нашите соседи“, рече Путин.
И тој вели дека неговата влада не гледа „потреба“ нејзините соседи да преземат понатамошни дејствија што „ќе ги влошат нашите односи“.
– Мислам дека секој мора да размислува како да ги нормализира односите, нормално да соработува и нормално да ги развива односите – додаде тој.
Изјавата доаѓа додека министрите за надворешни работи од целиот Запад се собираат во Брисел за да разговараат за тоа како да се одржи притисокот врз Русија.
Путин, исто така, го повторува своето претходно тврдење дека сите досегашни дејствија на руската армија се направени „само како одговор на некои непријателски дејствија против Руската Федерација“.
