Vestiplus.mk
+ Во тренд... МАКЕДОНИЈА

Премиерот Заев од седницата за пратенички прашања во Парламентот: Прв, втор ешалон, државни службеници, сите, внимавајте – законите за борба против корупцијата важат за сите

„Борбата против криминалот и корупцијата продолжува и никој нема да биде поштеден од какви било индиции или постапки коишто се незаконски и водат кон корупција или криминал“, порача претседателот на Владата на Република Северна Македонија, Зоран Заев, на седницата за пратенички прашања во Парламентот.

[embedded content]

„Тоа важи за тие од првиот, за тие од вториот и за било кој друг ешалон, тоа важи еднакво за сите граѓани. Имаме јасна порака до сите носители на јавни функции, до прв и втор ешалон, до државните службеници и до граѓаните – внимавајте, затоа што сега сѐ е јавно, никој нема да биде поштеден“, рече премиерот Заев.

Тој укажа на транспарентноста во државата, поради што граѓаните јавно укажуваат на сите индиции и затоа се можни уште поголеми резултати во борбата против криминалот и корупцијата.

[embedded content]

„Најодговорни за следење се правосудните органи“, рече претседателот на Владата, Заев. Tој во однос на надлежностите на вицепремиерот кој традиционално управува со човечки ресурси и одржливиот развој, објасни дека прв пат има добиено задача и за борба против криминалот и корупцијата, поради намерата на Владата недвосмислено да се помогне борбата против криминалот и корупцијата на независните и истражни органи, коишто се борат против корупцијата.

„Администрацијата за мене се и премиерот и министрите и замениците министри и секако и јавната администрација, сѐ со конечна цел да бидам попрецизен. Недвосмислена и јасна порака секогаш сум испраќал и денес испраќам: законот важни еднакво за сите. Дополнително, плус етички – не само кривично, се одговорни носителите на јавните функции, колку се повисоко на функциите во ешалонот, затоа што од нив се очекува да бидат пример и не само да бидат пример, туку и да го помогнат целиот овој процес на најотчетно и најодговорно ниво“, додаде премиерот Заев.

Претседателот на Владата, Заев, укажа дека денес антикорупциските активности се насочени кон секого и има судски завршници, за разлика од времињата кога никој од поранешната власт не беше повикан на одговорност.

Претседателот на Владата, Заев, на седницата зборуваше и за заложбите на Владата за професионална и ефикасна јавна администрација, поради што ги повика опозицијата и општо пратениците, на есен да ги поддржат реформите во јавната администрација коишто се изготвени од експерти, а во насока максимално професионално да им служи на граѓаните.

Можеби ќе ве интересира...

Автокоманда и Ченто се спојуваат со велосипедска патека

Vesti +

Забрзување на процесот на декарбонизација за чиста економија преку поголема соработка и поврзување

В+

Во живо: Обраќање на премиерот Зоран Заев по повод одбележувањето 8 децении од Денот на народното востание

В+

ПРЕДУПРЕДУВАЊЕ НА ПУТИН –„СУДНИОТ ДЕН“ ЌЕ БИДЕ ВИДЕН НА 9.МАЈ: Каква тајна крие рускиот претседател?

Vesti +

Заев на Сител ТВ: Ова се избори на личности, СДСМ ја има најдобрата кадровска понуда и затоа победува на изборите

В+

Фатен разбојник во Скопје, одземеното вратено на сопственикот

Vesti +