Vestiplus.mk
Во тренд... МАКЕДОНИЈА

Премиерот Заев на средба со генералната секретарка на Советот на Европа Пејчиновиќ Буриќ: Конфликтите во регионот се минато, соработката е нашата сегашност и иднина

Претседателот на Владата на Република Северна Македонија Зоран Заев на маргините на Преспа форум дијалог ја прими генералната секретарка на Советот на Европа, Марија Пејчиновиќ Буриќ.

Премиерот Заев изрази благодарност до генералната секретарка на Советот на Европа Пејчиновиќ Буриќ за нејзиното учество на големиот меѓународен настан во Охрид имајќи го предвид нејзиното искуство и непосредно познавање на нашиот регион што претставува исклучителен придонес во дебатите на форумот.

За време на средбата премиерот Заев ја истакна долготрајната соработка, поддршката, како и партнерството помеѓу Северна Македонија и Советот на Европа во воспоставувањето на стандардите и следењето на нивната имплементација во сферите со првенствен интерес на ова европско тело во областите на демократијата, човекови права и владеење на правото.

Во текот на разговорот беше потенцирана исклучителната соработка и поддршка од Програмската канцеларија на Советот на Европа во Скопје уште од нејзиното основање во 2012 година кои опфаќаат различни проекти за соработка.

Внатрешните реформи се наш стратешки ангажман и процес што го спроведуваме за нас и за нашите граѓани, за да можеме да го подобриме животниот стандард на нашите граѓани, истакна премиерот, и додаде дека европеизацијата е суштинска за нашата интеграција и во тој дел Северна Македонија оди напред и очекува ЕУ да ги тргне пречките за отпочнување на преговарачкиот процес за членство што е можно поскоро.

Северна Македонија и Советот на Европа се партнери во изградбата на општества во кои ќе се исполнува мисијата на Советот на Европа да не се повторуваат конфликтите како тој од времето на Втората светска војна и дека единствен начин тоа да се реализира е решавање на конфликтите со правните и политичките алатки како што се дијалогот и почитувањето на човековите права.

Во тој дух генералната секретарка на Советот на Европа Марија Пејчиновиќ Буриќ истакна дека и настанот Преспа форум дијалог е во чест на дијалогот и пријателството како начини за решавање на отворените прашања и дека тие се вратени во регионот, меѓу другото, и благодарение на лидерството и храброста на премиерот Заев и на одлучноста на Северна Македонија да решава проблеми.

На средбата стана збор и за охрабрувачките позитивни оценки забележани во последниот извештај на Советот на Европа за Северна Македонија, како што се: законските реформи за поголема независност на судството, подобреното опкружување кога станува збор за слободата на медиумите, пристапот на јавноста до информации од јавен карактер, зајакнување на органите за борба против корупција, подобрување на законодавството за антидискриминација, како и некои други реформски процеси.

Можеби ќе ве интересира...

Кока Кола има нов вкус и излегува следната недела: Црвена е …

Vesti +

224 сообраќајни прекршоци во Скопје, 60 за брзо возење

Vesti +

Криминалецот Штекли уапсен и однесен во Шутка

В+

Костадиновска-Стојчевска: Активностите со Бугарија носат придобивки за двата народа

В+

Маричиќ-Бирн: Блокадата штети на целиот регион и е против интересите на ЕУ

Vesti +

Заев од Гостивар: Обезбедивме раст на платите и пензиите и додека ги решававме најкрупните прашања и се боревме со пандемијата

В+