По неуспешните протести, Мицкоски се обраќа и на празни трибини
Vestiplus.mk
Во тренд...МАКЕДОНИЈА

По неуспешните протести, Мицкоски се обраќа и на празни трибини

Останаа нечуени политичките пораки кои од партиската трибина во скопската населба Автокоманда ги испрати претседателот на ВМРО-ДПМНЕ, Христијан Мицкоски. Партијата, а и тој на својот фејсбук профил, неколкупати повикаа сите симпатизери и граѓани да присуствуваат на трибината под името „Промоции на политики – Македонија за сите луѓе“, но тој вечерва се обрати пред едвај триесетина членови на ВМРО-ДПМНЕ, кои се решија да му дадат поддршка.

За само еден месец ова е втор дебакл на Мицкоски, откако претходно молчешкум завршија помпезно најавуваните протести за „одбрана на македонскиот идентитет“, преку блокади на главните крстосници низ повеќе градови во земјава. На блокадите, исто како и сега, се приклучија само најупорните поддржувачи на раководството на ВМРО-ДПМНЕ, која континуирано ниже неуспеси за масовност на своите протести и партиски активности. 

Многумина летаргијата на опозиционерите ја припишуваат на промашените пораки на лидерот на партијата, кој само повторува дека треба да се брани македонскиот идентитет и јазик, а од власта му стигнува истиот одговор – дека националниот идентитет не е на преговарачката маса. Преку последните чекори и изјави во јавноста веќе се поставува и прашањето дали тој воопшто би преговарал со Софија, односно дали членството во Европската унија се уште е стратешки приоритет на партијата. Деструктивните дела се потврдија особено преку вртење грб на македонските сојузници, како што е САД, од каде порачаа дека треба да се почитува Преспанскиот договор, бидејќи во спротивно ќе дојде до дестабилизација во регионот.

Можеби ќе ве интересира...

Ковачевски: ОАЕ ја ставија Северна Македонија меѓу приоритетните земји за идни инвестиции

Vesti +

Серија акциски контроли на сообраќајната полиција, прегазен пешак, загинат во сообраќајка – Ова се дел од дневните настани од денешниот полициски извештај

В+

Илиевски во Студена Бара на пријателски фудбалски натпревар им подели дресови на двата тима

В+

Ковачевски: Обезбедуваме поволна бизнис клима и можност за брза енергетска трансформација на земјата

Vesti +

Забрчанец: Македонскиот јазик за ВМРО-ДПМНЕ беше џуџе, а за државата е џин

В+

Изминатото деноноќие произведени 18.568 MWh, немаше увоз на електрична енергија од странство

Vesti +