Плаче и кука: Вељко Беливук тешко ја поднесува самицата- бил пред срцев удар кога била пронајдена мелницата за месо во куќата во Ритопек

Чуварите на Централниот затвор во Белград, имаат проблеми со Веjко Беливук речиси секоја вечер.

Според информациите на „Курир.рс“, тој наизменично стенка и кука скоро до раните утрински часови, па се заканува, а понекогаш и плаче.

– Беливук е ставен во самица и многу тешко го поднесува она што е зад решетки – наведува извор.

– Стражарите се обидуваат да го смират, но не вреди. Останатите уапсени, кои се наоѓаат во тој дел, не можат да спијат поради него. Од почетокот на февруари, кога тој беше приведен, неколкупати биле повикувани лекари да му помогнат.

Последен пат кога била пронајдена хорор соба во Ритопек и мелница за месо, толку му се слошило што лекарите едвај успеале да му го намалат крвниот притисок и срцевиот ритам. Тој бил пред срцев удар.

Ниту Марко Миjковиќ не поминува подобри ноќи во притвор. Сепак, тој е во самица во Централниот затвор на улицата Башванска.

Веjко Беливук и Марко Миjковиќ беа уапсени на 4 февруари по наредба на Обвинителството во голема акција на БИА, МУП и Обвинителството.