Предлог за вкусна вечера со комбинација од пилешко и компири. Зачините за преливот се посебна приказна и му даваат на јадењето неодолив вкус.
Рецепт за пилешко со компири
Состојки:
3 парчиња пилешки гради
1 кромид
4 компири
сол, бибер, миризлива пиперка
маслиново масло
200 мл павлака за готвење
2 јајца
120 грама кашкавал
1 лажичка провансалски зачин, 1 лажичка кари
1 домат
Подготовка:
Во тава истурете маслиново масло, потоа додадете сецкан кромид, а потоа компирите исечени на прстени. Додадете сол и бибер.
Исечкајте го пилешкото месо на коцки и додадете сол, бибер и малку миризлива пиперка. Мешајте го месото со раце, за добро да ги впие зачините, а потоа ставете го преку компирот.
Во посебен сад, ставете 2 јајца, павлака за готвење, малку сол, провансалски зачин и кари и изматете со вилушка, а потоа прелијте во јадењето.
Покријте се со алуминиумска фолија. Ставете да се пече во рерна 40 минути, на 200 степени.
Додадете ги ренданиот кашкавал и доматот исечкан на прстени, а потоа вратете ги во рерна уште 10 минути (180 степени).