Пентагон даде нова оценка за ситуацијата во Украина. Тие велат дека Русија сега ангажирала речиси 100 отсто од силите што ги собрала за да ја нападне Украина. Тоа значи околу 127 баталјонски тактички групи, пренесува Гардијан.
Руските сили лансирале повеќе од 625 проектили, главно ракети земја-воздух со краток и среден дострел и крстаречки ракети, соопштија американските власти.
Сè уште нема знаци на белоруски војници во Украина или знаци дека се на влезната точка. Русија во меѓувреме се обидува да регрутира странски борци, особено Сиријци, за да учествуваат во нејзината војна во Украина. Сепак, нема докази дека сириските борци навистина пристигнале во Украина. Генерално, офанзивата на Киев сè уште е во застој, велат од Пентагон.
„Не гледаме голем напредок“, рече високиот претставник на одбраната, припишувајќи го тоа на комбинација од жесток украински отпор и „внатрешни предизвици“ во руските сили. Но, официјалниот претставник предупреди дека „руските трупи напредуваат на југ, а Владимир Путин сè уште има многу поголема борбена моќ на располагање“.
