Vestiplus.mk
+ МАКЕДОНИЈА ТОП ВЕСТИ

Отворен повик за самокандидирање за градоначалници на СДСМ: Еве како да се пријавите

Прес-конференција, Мартин Попов, организационен секретар на СДСМ – интегрален текст:

Почитувани граѓани, почитувани новинари,

СДСМ како најголема, најдинамична, најорганизирана партија започна со креирање на најдобрата понуда за претстојните локални избори, за најдобрата понуда за секоја општина, за секој град.

Со граѓаните, на маалски и урбани средби, преку граѓански трибини, го презентираме она што досега сме го сработеле на централно и локално ниво.

Но, истовремено го слушаме и гласот на граѓаните, ги следиме нивните потреби кои ќе ги преточиме во програмски решенија.

Паралелно со овие активности, во тек е внатрепартиска постапка за номинирање на кандидати за градоначалници и советници во општините и Градот Скопје од редовите на СДСМ.

Нашата цел е да ги избереме најдобрите кандидати за секоја општина.

Од денеска е отворен и јавен повик за самокандидарање на кандидати за градоначалници на општините и Град Скопје за претстојните локални избори.

Повикот со сите детали е достапен на веб страната на СДСМ уште од денеска а од утре излегува и оглас во печатените медиуми на македонски и албански јазик.

Отворени сме за сите кои имаат желба да се вградат во напредокот, да придонесат, да бидат дел од најдоброто.

Со висок углед и кредибилитет во локалната заедница и регионот на живеење, кои имаат поддршка од сите етнички заедници, кои ги почитуваат принципите и вредностите едно општество за сите граѓани и во целост ги почитуваат начелата и принципите на кои се темели СДСМ.

Дел од новитетите е што од секој кандидат бараме да достави и Детална програма со предлог идеи и проекти за развој на општината или град Скопје за периодот 2021-2025 година, и изјава за прифаќање и почитување на Етичкиот кодекс на СДСМ.

Во СДСМ како демократска, отворена, инклузивна партија има натпревар на идеи и програми.

Низ транспарентен, демократски процес заедно да дојдеме до најдобрите кандидати, најдоброто за секоја општина.

Заедно ќе спроведеме евалуација, ќе следуваат и истражувања на јавното мислење за да се провери и рејтингот на кандидатите кои ќе влезат во потесен круг.

СДСМ продолжува да поставува нови стандарди на партиско дејствување се демократизираме уште повеќе, за уште повеќе да го демократизираме целото општество. Тоа е она што нè одвојува од останатите партии, тоа е она што граѓаните го препознаваат.

Затоа СДСМ е убедлив фаворит и на претстојните локални избори, затоа што и овој пат ќе ја имаме најдобрата понуда за секоја општина, за секој град.

Можеби ќе ве интересира...

Нови 22 починати, 609 нови случаи на коронавирус – еве каде е најкритично

В+

Герасимовски: Поставуваме фотоволтаични панели на сите јавни објекти и нови енергетски фасади

В+

Најголема излезност во Крива Паланка, Ресен и Новаци – Еве ја табелата на градови според излезност

В+

Црн ден: 26 починати, 906 новозаразени

В+

ПОЧНУВА СЕЗОНАТА НА АЛЕРГИИ – Ублажете ги симптомите на поленската треска со неколку трикови

Vesti +

Германски нобеловец ги открива состојките кои може да предизвикуваат рак

В+