За средбите со претставници на американскиот Сенат, како и со претставници на меѓународните организации НЕД, НДИ и ИРИ, координаторот за Отворен Балкан од Владата, Марјан Забрчанец за порталот Novatv.mk порача дека Отворен Балкан е наша автентична интерпретација на Берлинскиот процес.

– На средбите уште еднаш беше потенцирано и потврдено дека Отворен Балкан е наша, на државите членки, автентична интерпретација на Берлинскиот процес, дека е засилувач на европската интеграција на регионот и дека е во целосна усогласеност со европските политики и регулативи.

Од американска страна Отворен Балкан е препознаена и како иницијатива која ја спроведуваат институциите на земјите и во чив фокус се слободите на движење и поврзувањето, вели Забрчанец.