Vestiplus.mk
БИЗНИС МАКЕДОНИЈА ТОП ВЕСТИ

Костадин Костадинов: 10 милиони евра за бескаматни кредити од линијата Ковид 4, поддршката за економијата продолжува

Прес-конференција на Костадин Костадинов, портпарол на СДСМ и пратеник:

Владата предводена од СДСМ и премиерот Зоран Заев продолжува со вистинска, навремена грижа за домашното стопанство и домашната економија.

Промовирана е нова линија бескаматни кредити Ковид 4 наменета за занаетчиите, трговските поединци и приватните здравствени установи.

За оваа линија кредити преку Развојната банка ќе се обезбедат нови 10 милиони евра кои ќе завршат во стопанството.

Износот на кредитот ќе биде дефиниран во зависност од бројот на вработените и падот на приходите, и тој може да изнесува од 3.000 до 30.000 евра, додека роковите за отплата ќе се движат од 36 до 42 месеци со грејс период од 12 месеци.

Во оваа кредитна линија е овозможена и грант компонента до 50% од висината на кредитот, ако корисниците ги исполнат потребните условите, а тоа е во 2021 да имат 5% повеќе вработени во однос на 2020 година и вкупните приходи во 2021 да се зголемени за 10% во однос на 2020 година или може да добијат грантови од 20% или 30% доколку е остварен само еден од условите.

Ова е силна финансиска поддршка за домашната економија, за спас на работни места и дополнително придвижување на економскиот раст.

Претходно, пред оваа линија кредити, беа спроведени и трите бескаматни кредитни линии, Ковид 1, 2 и 3, со кои се обезбедија средства во вкупен износ од над 44 милиони евра, при што беа поддржани над 4.000 компании кои вработуваат околу 37.000 лица.

Како партија која се води единствено од интересите на граѓаните, продолжуваме да ги помагаме домашните компании, продолжуваме да градиме силна, развојна економија кој носи шанса за сите.

Можеби ќе ве интересира...

Црн петок: 39 починати, нови 1.493 заразени од коронавирус

В+

Времето се менува: Од утре дожд, ветер и значително пониска температура

В+

Дали знаевте дека во Македонија има 51 лица кои имаат над сто години – еве детали колку граѓани има од секоја возраст во земјава

Vesti +

Приведен крадец, расчистена кражба во куќа во Скопје

Vesti +

Приведено лице од Скопје за издржување на затворска казна

Vesti +

СДСМ: Мицкоски се уште покажува дека нема државнички капацитет, време е политички да созрее

Vesti +