Вкупната парична вредност на казните е скоро 40.000 евра.
Голем пожар на камион на патот во Апелдорн, Холандија, резултираше со сообраќајни казни во износ од неколку десетици илјади евра. Имено, дури 152 возачи се казнети за снимање на сообраќајната несреќа на телефон, додека биле зад воланот во возилата.
Казната за користење мобилен телефон додека возите во Холандија е 240 евра плус 9 евра административни трошоци.
Инаку, камионот целосно изгоре во вторникот околу 16.15 часот, што доведе до застој во сообраќајот од двете страни на патот. Сообраќајниот метеж беше предизвикан и од забавувањето на возачите и снимањето.
Затоа полицијата напиша дури 152 казни. Ова значи дека полицијата од Апелдорн издала вкупно 37.848 евра казни за возачите кои снимиле запален камион на патот А50 со мобилен телефон, со образложение дека снимањето со мобилен телефон и употребата на паметен телефон зад воланот влијае на вниманието на возачите и безбедноста во сообраќајот.
