Vestiplus.mk
+ БИЗНИС МАКЕДОНИЈА

Гоце Георгиевски: Рекордна исплата на финансиската поддршка за земјоделството и руралниот развој, грижата за земјоделците продолжува

Прес-конференција на Гоце Георгиевски, Претседател на Комисија за земјоделство, шумарство и водостопанство на СДСМ:

СДСМ како одговорна партија, останува целосно посветена на навремена, конкретна помош и поддршка за земјоделството како клучна стопанска гранка во нашата држава.

И во период на светска криза и пандемија продолжуваат развојните инвестиции во земјоделството.

Од почетокот на оваа година исплатени се речиси 4,4 милијарди денари или над 71,5 милиони евра финансиска поддршка на земјоделците.

Преку програмата за финансиска поддршка во земјоделството за 2021 година досега на земјоделците им се исплатени над ‪3.6 милијарди денари, или над 58 милиони евра, а над 730 милиони денари или речиси 12 милиони евра се исплатени преку програмата за финансиска поддршка на руралниот развој за 2021 година.

Ова е рекордна исплата, каква што не е забележана откако постојат програмите за финансиска поддршка во земјоделството и руралниот развој.

Исплатата е извршена кон сите, без калкулации, без списоци и без уцени кон земјоделците, како што беше во времето на ВМРО-ДПМНЕ.

Остануваат да се доисплатат остатокот од субвенции за сточарите кои во моментов се жртви на ситни партиски интереси на опозицијата.

Кочењето на ребалансот на буџетот ги одолговлекува проектираните исплати за субвенции, за инфраструктурни проекти и за проекти кои се од витално значење за производството на храна.

ВМРО-ДПМНЕ и како опозиција останува синоним за нечесен однос кон земјоделците.

Владата предводена од СДСМ ги зголеми субвенциите, кои се исплаќаат редовно, навремено и неселективно, а трудот на земјоделците се цени и вреднува.

Продолжуваме со инвестиции во аграрот, со кои се унапредува земјоделското производство, се зголемува неговата конкурентност и се олеснуваат условите за работа на земјоделците.

Можеби ќе ве интересира...

Пронајден хероин во Гевгелија, приведени пет лица

Vesti +

Фатен крадец на дело во Скопје, одземените предмети вратени на сопственикот

Vesti +

Започна кампањата за намалување на бројот на непријавени работници

Vesti +

382 санкции за брзо возење

Vesti +

До среда ќе се задржи сончево со мала облачност

В+

Заев во „Директно“: Битола ја личи да се натпреварува со Скопјe

В+