Vestiplus.mk
+ МАКЕДОНИЈА ТОП ВЕСТИ

Францускиот предлог модификуван во насока на забелешките на Ковачевски во Брисел

Историските прашања и Протоколот од Договорот за добрососедство не се дел од преговарачката рамка-премиерот Димитар Ковачевски синоќа, на пресконференција, посочи дека ова го содржи последниот француски предлог за решавање на спорот со Бугарија и отворање на преговорите за Северна Македонија со ЕУ. Ковачевски пред неколку дена во Брисел, порача дека нема да дозволи јазикот и идентитетот да бидат предмет на преговори. По ова вчера од Франција стигна изменет предлог, а според информации на дел од медиумите, интервенциите се направени во најмалку три точки кои се клучни за нас. Црвените линии за јазикот, историјата, Уставот и протоколот да не биде дел од преговарачката рамка, за кои говореше Ковачевски во Брисел, ги содржи модификуваниот предлог. Последното поместување Франција го направи кон македонската страна, односно претходната верзија на предлогот е изменета во насока на македонските барања – отворените прашања со Република Бугарија да не станат дел од преговарачката рамка со Европската Унија. На синоќешната пресконференција, претседателот на Владата Ковачевски истакна дека со новиот француски предлог се потврди дека Владата има план и стратегија која дала резултат.

„Забелешките за претходниот предлог кој не беше прифатлив за нас се прифатени и се содржани во новиот предлог.Нашите забелешки беа историските прашања да не бидат дел од преговарачката рамка и тоа е содржано во овој предлог-документ кој е доставен и се разгледува во Министерството за надворешни работи“ наведе премиерот.

Откако синоќа Ковачевски со предлогот на Франција ги запозна сите министри во Владата, денеска започнуваат консултативните средби, прво со коалиционите партнери во Владата, претседателот на државата, експертската јавност, медиумите, опозицијата, пратениците. Ковачевски најави дека официјалниот став за новиот предлог ќе биде соопштен откако предлогот ќе ги помине филтрите на сите засегнати институции, како и на севкупната политичка, експерстка јавност во земјата и граѓанскиот сектор.

Можеби ќе ве интересира...

42 санкции за брзо возење во Скопје

Vesti +

Зеленски: Никој во светот нема да ви прости што го убивавте мирниот украински народ

В+

Ковачевски: Одлуката за рационализација на трошоците за институциите мора да се почитува

В+

134 санкционирани возачи во Скопје, 68 за брзо возење

Vesti +

Лебот, зејтинот и брашното ќе се продаваат по набавна цена, профитната маржа на големо замрзната на 4%, а на мало 3%

В+

СДСМ: ВМРО-ДПМНЕ да ги продаде плочките од 100.000 евра од Белиот дворец и парите да ги врати кај граѓаните

Vesti +