Vestiplus.mk
МАКЕДОНИЈА ТОП ВЕСТИ

Филипче: Во функција целосно реновираната ургентна амбуланта на ГАК

Подобрени се условите за пациентите кои ги опслужува Клиниката за гинекологија и акушерство. Од денеска е во функција целосно реновираната ургентна амбуланта, којашто дневно опслужува 50-60 жени коишто доаѓаат за различни ургентни состојби во областа на гинекологијата. Опремена е со нови ЦТГ апарати, односно апарати со коишто се регистрира срцевата активност кај бебињата, нов стол и сега амбулантата има пријатен амбиент да ја пружа соодветна здравствена услуга.

Дополнително на тоа, веќе неколку месеци во функција е амбулантата за медикаментозен абортус. Со измената во Законот за здравствена заштита, оваа опција сега им се нуди на жените и волјата на жената е ставена на прво место. Изминативе месеци околу 150 жени имале медикаментозен абортус, а 90 стандардна оперативна процедура. Тоа значи дека кај 150 жени согласно индикацијата е избегната оперативната процедура и давањето на анестезијата, што е една значајна придобивка поради тоа што се избегнуваат сите ризици коишто се поврзуваат со оваа интервенција.

Министерот за здравство д-р Венко Филипче кој денеска ја посети Клиниката за ГАК истакна дека со реновирањето и унапредувањето на услугите на ГАК, со поставената нова опрема, инкубаторите и новите респиратори вклучувајќи ги и високофреквентните, евидентни се бројките коишто укажуваат на подобрување на сите резултати што се однесува до давањето на здравствена услуга во овој дел.

Клиниката за гинекологија и акушерство е институција којашто во целокупниот изминат период најпрво го менаџираше третманот на жените, родилките коишто беа позитивни на коронавирусот со целосно изолирани делови во делот на третманот, интензивното лекување и операциони сали. Се истакнуваат со години наназад со својата експертиза, знаење и менаџирање на целокупниот процес што се однесува на мајчиното здравје, здравјето на бебињата од најраните денови, првите денови на животот што се манифестира како еден успех препознаен и од меѓународни институции, а тоа е преполовувањето на новороденечката смртност за период од две години. Таков резултат нема ниту една земја во светот, заслужува секаква пофалба и честитки и за менаџерскиот тим на чело со директорката и целокупниот стручен колегиум. – кажа министерот Филипче.

Можеби ќе ве интересира...

СДСМ: ВМРО ДПМНЕ ги блокира законите кои се однесуваат на промените во судството

В+

Новоизбраниот претседател на Владата Димитар Ковачевски ги презеде функцијата и кабинетот од досегашниот премиер Зоран Заев

Vesti +

53 санкции за возење под дејство на алкохол во Скопје

Vesti +

Времето се менува – Подгответе се за невреме

В+

Илиевски на дебата на ТВ Плус: 20% Кумановци се уште немаат вода, канализација и асфлатирани улици затоа што општината не ги искористи 550 милиони евра од Владата

В+

Радев: Бугарија очекува Северна Македонија да ги почитува правата на своите граѓани

Vesti +