Vestiplus.mk
МАКЕДОНИЈАТОП ВЕСТИ

Филипче: Одобрени се 498 специјализации и 87 супспецијализации

Младите лекари да не стравуваат затоа што имплементирањето на политиките коишто се однесуваат на нивниот стручен напредок ги правиме заедно со нив. Ова утрово го потенцираше министерот за здравство д-р Венко Филипче во утринското гостување во Утрински брифинг за Слободен Печат. Тој истакна дека Програмата за специјалистички и супспецијалистички кадри пред две недели беше усвоена на седницата на Владата на Република Северна Македонија. Вкупно 498 специјализации и 87 супспецијализации се одобрени и ќе бидат распишани наскоро, согласно барањата на јавно-здравствените установи. Станува збор за студенти од Медицинскиот Факултет при Универзитетот „Св. Кирил и Методиј” во Скопје, но и од Универзитетот „Гоце Делчев” во Штип.

-Минатата година само, немаше рапишано конкурс за специјализации, поради ситуацијата со Ковид-19, сите одделенија беа ковид одделенија, менторите беа зафатени со третман на ковид пациенти. Младите лекари, што е нешто што треба да се потенцира, беа вклучени во третманот на овие пациенти. Програмата за специјализации веќе помина на седница на Владата, таа е усвоена. Таа е согласно барањата на јавно-здравствените установи, колку млади лекари има за да се пратат на специјализација. Вклучени се како Медицинскиот Факултет во Скопје со најголема бројка, така и Факултетот во Штип. 498 специјализации и 87 супспецијализации после ова поминување на програмата на Владата, што значи административната постапка е завршена, веќе ќе бидат распишани. – кажа Филипче.

Министерот Филипче посочи дека Министерството за здравство е постојано отворено за слушање и решавање на проблемите на младите лекари и дека сите процеси и политики се работат заедно со нив со тоа што на неделно ниво се сослушуваат и лекарите се присутни постојано во министерството. Тој го најави и форумот на студенти кој ќе биде одличен за споделување на знаењето и перспективите. Целосно се работи на тоа младите лекари да останат во нашата земја и да сфатат дека грижата за нив е на прво место, истакна Филипче. Со последните измени во здравствените политики, специјализантите добија парични средства за дежурства и здравствено осигурување, што е инвестиција плус за младите лекари и мотив да бидат сигурни дека секоја категорија од нив е опфатена со грижа, напредок и инвестиција.

Можеби ќе ве интересира...

СДСМ: Пратениците кои бојкотираат да се откажат од платите и привилегиите, граѓаните не смее да плаќаат неработници

Vesti +

Шахпаска: После 40 години, децата од Кавадарци добиваат нова, современа и инклузивна детска градинка, со капацитет од 142 места

Vesti +

138 сообраќајни прекршоци во Скопје

В+

Ужас: Жена истепана од 3 лица во двор во куќа во Чаир

В+

Маричиќ: Со ИПА 3 ќе се финансираат зрели проекти, Владата ќе даде поддршка на приоритетните проекти корисни за граѓаните

В+

Пронајдени стари монети, приведено едно лице на Граничен премин Табановце

Vesti +