Турција формира енергетска база во Црното Море, најави претседателот на земјата, Реџеп Таип Ердоган, додавајќи дека се надеваат дека „гасот ќе биде достапен за употреба следната година“.
Неговите коментари дојдоа за време на церемонијата на пуштање во употреба на гасоводот за неколку области во провинцијата Кастамону, на кои тој се приклучи преку Интернет.
Осврнувајќи се на природниот гас во Црното Море, Ердоган рече дека е завршено дупчењето на девет од десет бунари, што е прва фаза во гасното поле Сакарија.
„Ги забрзавме работите што ќе го поврзат природниот гас од Црното Море со системот на нашата земја. Со вклучувањето на домашниот гас во процесот, Турција станува земја каде што се формира референтна цена во регионот“, рече Ердоган.
